Lunes, Hunyo 5, 2017

Mula sa yaya papuntang accountant, dahil sa DepEd ALS

Si Malou Lom-oc ay isang yaya na ngayon ay may diploma na at mag-aaral ng BS Accountancy. [credit: Manila Bulletin / STI Cainta]
Si Malou Lom-oc ay lumuwas sa Cainta, Maynila upang magtrabaho bilang isang yaya. Nagsisilbi rin siyang kahera sa meat shop na pagmamay-ari ng kanyang amo. Para kay Malou, kahit na may trabaho at kinikita na siya, gusto niya pa ring makapagtapos ng kolehiyo at maging isang Accounting graduate. Naniniwala siyang ang college diploma ay makapagbibigay ng mas mabubuting oportunidad para sa kanya.

"Huwag kang sumuko, tuparin mo ang pangarap mo at magtapos ka ng pag-aaral," payo niya sa kagaya niyang pinagsasabay ang pag-aaral at pagtatrabaho.

Si Malou ay mula sa isang simpleng pamilya, at may limang mga kapatid. Ang kaniyang tatay ay isang karpintero at ang kaniyang nanay isa isang may bahay. Sa edad 15, naglakas loob siyang lumuwas sa Maynila upang magtrabaho at makatulong sa kanyang pamilya.

Sa Cainta ay naging mapalad siyang makahanap ng employer na pinayagan siyang mag-enroll sa Alternative Learning Center sa Francisco P. Felix Memorial National High School sa Cainta. Nagsimula si Malou sa Grade 8. Habang nag-aaral dito, nalaman niya mula sa principal ang tungkol sa DepEd ALS STI College Ortigas-Cainta. Dahil mas malapit ito sa kaniya, lumipat siya dito. Tuwing Sabado, nilalakad niya ang pagpasok sa STI dahil malapit lamang ito.

Habang tulog ang inaalagaang bata, nag-aaral si Malou. Tinutulungan din siya ng kaniyang pinagtatrabahuhan na mag-review sa ALS Accreditation and Equivalency Test.

"Kapag tulog na yung alaga ko saka ako nagbabasa… basta kapag may chance, nagrereview ako," sabi ni Malou.

Noong April 2016, kumuha siya ng DepEd Accreditation and Equivalency Test at nakapasa. Tuwang-tuwa ang lahat para kay Malou. Sa wakas, matutupad na niya ang pangarap na mag-aral para maging isang accountant.

God bless, Malou!


Read more at http://2016.mb.com.ph/2016/07/17/depeds-als-delivers-girl-from-babysitting-to-accounting/#t2EKU3GD6UZcdFmG.99

Walang komento:

Mag-post ng isang Komento